കൊല്ലം ജില്ലയിലെ ചവറയിലെ, കുമ്പഴക്കാവ് എന്ന സ്ഥലത്ത്
തട്ടാശ്ശേരിൽ - പ്ലാളാത്തറതറ കുടുംബങ്ങളുടെ സംഗമത്തിൽ ജനിച്ചു. വൈദ്യ - കായികാഭ്യാസങ്ങൾ ജനിതകബോധമായി പിന്തുടർന്നു. പ്രാഥമിക വിദ്യാഭ്യാസവും സങ്കേതിക വിദ്യാഭ്യാസവും
നേടിയ ശേഷം വിവിധ കേന്ദ്ര ങ്ങളിൽന്ന് യോഗാഭ്യാസത്തിലും പ്രകൃതിജീവനത്തിലും പ്രാഥമിക പരിചയങ്ങൾ നേടി.
തുടർന്ന് സാമൂഹിക സാംസ്കാരിക പ്രവർത്തനത്തിനായി ഗുജറാത്തിൽ
ദീർഘകാലം താമസിച്ചു. ആകാലത്ത് ഉത്തരഭാരതത്തിൻ്റെ ആധ്യാത്മിക-സാംസ്കാരിക മേഖലകളിലൂടെ നിരന്തര സഞ്ചാരങ്ങൾ നടത്തി .
ശേഷം 2004 മുതൽ പ്രവർത്തന കേന്ദ്രം കേരളമായി മാറി. ഈ കാലഘട്ടത്തിൽ ശ്രീ അഗസ്ത്യ പാരമ്പര്യത്തിലെ യോഗിയായ പാണാവള്ളിൽ സുധീർ വൈദ്യരേഗുരുവായി സ്വീകരിച്ച
എം. ശ്രീകുമാറിൽ (ശ്രീഗുരു) നിന്ന് താന്ത്രിക-യോഗ പാരമ്പര്യത്തിൽ ശംഭവിദീക്ഷ നേടുകയും ഭാരതീയവൈദ്യത്തിൻ്റെ അടിസ്ഥാന തത്ത്വങ്ങളും ഔഷധനിർമ്മാണ രഹസ്യങ്ങളും ഗ്രഹിക്കുകയും ചെയ്തു.
വെതിരമന ഹരി നമ്പൂതിരി,വൈക്കം ഗോപകുമാർ,
ആനന്ദമയീ ഭൈരവി വരെ നീളുന്ന ഗുരുപരമ്പര. കോഴിക്കോട് സ്വാമി ഗുരുക്കളിൽ നിന്ന് പഠിച്ചു തുടങ്ങിയ കളരിയുടെ പ്രാഥമിക പാഠങ്ങൾ വൈറ്റില ഗോപിയാശാനിലൂടെയും എളമക്കര വിനയൻ ആശാനിലൂടെയും
വികസിച്ച് പുഞ്ചക്കരി ജെയിംസ് കളരിയിലെ ജോസ് മാഷിലേക്കും അജ്ഞാതനാമന്മാരായ ഗുരുക്കന്മാരിലൂടെയും കൈവന്ന കളരി-വൈദ്യ
പാരമ്പര്യമായി പരിണമിച്ചു. അയിരൂർ കുട്ടൻപിള്ളയാശാൻ, മരുത്ത്വാമലയിലെ പേരറിയാത്ത യോഗി എന്നുതുടങ്ങിയവരിൽ നിന്നുമായി മർമ്മശാസ്ത്ര പഠനം നീളുന്നു.
2007 മുതൽ സ്വദേശി ശാസ്ത്ര പ്രസ്ഥാനത്തിൻ്റെ ഭാഗമായി ശാസ്ത്രപ്രചരണ
പ്രവർത്തനങ്ങൾ നടത്തി. സ്വദേശി സയൻസ് കോൺഗ്രെസ്സ്, സ്വാശ്രയ ഭാരത്, വേൾഡ് ആയുർവേദ കോൺഗ്രെസ്സ് (WAC) തുടങ്ങിയവയിൽ പ്രധാന സംഘാടകനായി പ്രവർത്തിക്കുകയും പിന്നീട് നാഗ്പൂർ
കേന്ദ്രമാക്കി വിജ്ഞാൻ ഭാരതിയുടെ കീഴിൽ ആയുർവേദ പ്രവർത്തനങ്ങളുടെ നേതൃത്ത്വം ഏറ്റെടുക്കുകയും ചെയ്തു.]
2008-ൽ ജയ്പ്പൂരിലും 2010-ൽ ബാംഗ്ലുരിലും നടന്ന വേൾഡ് ആയുർവേദ
കോൺഗ്രസ്സുകൾ കൊർഡിനേറ്റ് ചെയ്തു. കേരളത്തിലെ പാരമ്പര്യ ആയുർവേദ വൈദ്യന്മാരുടെ സംഘടനയായ TPCV സ്ഥാപിച്ച് പാരമ്പര്യ ആയുർവേദ പഠനങ്ങളുടെ ഏകോപനത്തിനായി പ്രവർത്തിച്ചു. ഇതോടൊപ്പം
നാഷണൽ ആയുർവേദിക്ക് സ്റ്റുഡൻ്റ്സ് ആന്ഡ് യൂത്ത് അസ്സോസിയേഷൻ (NASYA) എന്ന ആയുർവേദ ഡോക്ടർമാരുടെ ഔദ്യോഗിക സംഘടനയുടെ സ്ഥാപകനുമായി. എറണാകുളത്തുനിന്നും പ്രസിദ്ധീകരിച്ച
ദേവഹാര എന്ന മാസികയുടെ ചീഫ് എഡിറ്ററായും സേവനമനുഷ്ടിച്ചു.
പിന്നീട് 2010-ഓട് കൂടി പൊതുരംഗത്ത് നിന്ന് പിന്മാറുകയും വിവിധ ആനുകാലിങ്ങളിലും മാസികകളിജും ആയുർവേദം ചരിത്രം എന്നീ വിഷയങ്ങൾ സംബന്ധിച്ച ലേഖനങ്ങൾ എഴുതുകയും പ്രസിദ്ധീകരിക്കുകയും ചെയ്തു.
വ്യക്തിപരമായ പഠനങ്ങൾക്കും സാധനകൾക്കും ശേഷം 2016-ൽ ശ്രീ സ്വാമി വൈദ്യ ഗുരുകുലത്തിൻ്റെ തുടക്കത്തിന് നിമിത്തമായി
(NB: മനുഷ്യത്വം യുക്തിബോധം, കർമ്മം, ധർമ്മം ഇവയിൽ മാത്രം വിശ്വാസം)
കൂടുതൽ വായിക്കുക
